எங்கே

தென் இந்தியவின் மான்செஸ்டராக இருக்கும் கோவைக்கு மெட்ரோவுக்காக ஏன் அனுமதி தரவில்லை?

கோயில் நகரமான மதுரை மெட்ரோவுக்கு அனுமதி கொடுத்து விட்டீர்களா?

திருச்சி மெட்ரோவுக்கு அனுமதி வழங்க எது தடுக்கிறது?.தமிழக மெட்ரோ திட்டத்துக்கு ஏன்
அனுமதி கொடுக்க மறுக்கிறீர்கள்?

ஓசூர் விமான நிலையத்திற்கு அனுமதி எங்கே?

சென்னை மெட்ரோ ரயில் திட்டத்துக்கான முழுமையான நிதியை எப்போது தருவீர்கள்?

பள்ளி குழந்தைகளுக்கு தர வேண்டிய 3,500 கோடி ரூபாய் எஸ்எஸ்ஏ நிதியை தராமல் இழுத்தடிக்க என்ன காரணம்?

ஜல்ஜீவன் இயக்கத்திற்கான மானியம் 3,548 கோடி ரூபாயை எப்போது தருவீர்கள்?

ஊரக உள்ளாட்சி அமைப்புகளுக்கு 2,246 கோடி ரூபாயை எப்போது தருவீர்கள்?

மத்திய அரசு திட்டங்களுக்கு தர வேண்டிய நிதியை கூட தராமல் ஏன் நிறுத்தி வைத்துள்ளீர்கள்?.

ஜிஎஸ்டியால் தமிழகத்துக்கு இந்தாண்டு9,600 கோடி இழப்பு ஏற்படப்போகிறது.

ரிசர்வ் வங்கியில் தமிழக வங்கிக்கணக்கில் இருந்து தொகையை பிடித்தம் செய்தது சரியா?

தமிழகம் மின்பகிர்மான கழகத்துக்கு 16298 கோடி இழப்பீட்டு நிதி வழங்குவதில் நிபந்தனை விதித்து கூடுதல் சுமை ஏற்படுத்தப்பட்டு உள்ளது.

முதல் கடமை

பாஜ உடன் கூட்டணி அமைத்து மாபெரும் துரோகியாக இபிஎஸ் உருவெடுத்துள்ளார். தமிழின விரோதிகள், தமிழ் துரோகிகளை மக்கள் முன் அம்பலப்படுத்தி அவர்களுக்கு தோல்வியை பரிசாக தர வேண்டும். இதுதான் நம் முன் இருக்கும் முதல் கடமை.

கூட்டணியிலும் சாதனை

தேர்தல் கூட்டணியின் ஆயுள் சில காலம். திமுக கூட்டணி அதை உடைத்துள்ளது. பாஜவை வீழ்த்தவேண்டும் என்று 2019 தேர்தலில் துவங்கப்பட்ட கூட்டணிஇப்போது வரை தொடர்கிறது.
தமிழக தேர்தல் வரலாற்றில் நீண்ட காலம் ஒற்றுமையுடன் கூட்டணி தொடர்வது இதுவே முதல் முறை. வளர்ச்சி மட்டும் அல்ல கூட்டணியிலும் சாதனை படைத்துள்ளோம்.


தேர்தலுக்காக தான் கூட்டணி அமைத்துள்ளோம் என இபிஎஸ் கூறினார். என்டிஏ எனும் சர்க்கசின் மாஸ்டர் தான் பாஜ. வித்தை காட்டுபவர் தான் இபிஎஸ். கொள்கை இல்லாத சந்தர்ப்பவாத கூட்டணியாக அது உள்ளது. அதற்கு இபிஎஸ் ஒப்புதல் வாக்குமூலம் கொடுத்துள்ளார். தன்னை காப்பாற்றிக் கொள்ள சுயநலத்தோடு கூட்டணி அமைத்துள்ளார். பிரச்னை வரும்போது எல்லாம், டில்லிக்கு மாறி மாறி சென்று சரணாகதி அடைவது வழக்கமானது. நாம் கொள்கையில் உறுதியாக நின்று போராடுகிறோம்.

திமுக கூட்டணி

டில்லியில் முதல்வராக இருந்த கெஜ்ரிவால் மேல், பொய் வழக்கு போட்டு சிறையில் அடைத்தார்கள். நேர்மையாக நேர் வழியில் தேர்தலை எதிர்கொள்ள துணிச்சல் இல்லாமல் கோழைத்தனமாக நடந்து கொண்டார்கள். இன்று அந்த வழக்கில் எந்த முகாந்திரமும் இல்லை என நீதிமன்றம் கூறிவிட்டது.

கெஜ்ரிவால், மணிஷ் சிசோடியாவும் சிறையில் கழித்தநாட்களை பாஜவால் திருப்பி த ர முடியுமா? மீண்டும் டில்லியில் தேர்தலை நடத்த முடியுமா? இதே பார்முலாவை தான் தமிழகத்தில் செய்ய நினைக்கின்றனர். தனது ஏவல் அமைப்புகளை வைத்து நம்மை மிரட்ட பார்க்கின்றனர். உங்கள் அலட்டல் மிரட்டல்களுக்கு பயப்பட நாங்கள் அடிமையும் இல்லை. கோழையும் இல்லை. தைரியமாக உங்களை எதிர்கொள்வோம். அதனால் தான் மக்கள் மட்டும் அல்லாமல் கட்சிகளும் நம்முடன் இணைவார்கள்.


தேர்தலுக்கு தேர்தல் கூட்டணியில் இருக்கும் கட்சிகள் குறைவதை பார்த்து இருக்கிறோம். அதற்கு மாறாக நமது பலம் அதிகரிக்கிறது. இவ்வாறு முதல்வர் ஸ்டாலின் பேசினார்.