நமது நிருபர்

யூடியூபில் 3 கோடி பின்தொடர்வோரை பெற்று பிரதமர் மோடி சாதனை படைத்துள்ளார். ஏற்கனவே இன்ஸ்டாவில் 10 கோடி பேர் பின் தொடர்கின்றனர்.

தற்போதைய தொழில்நுட்ப காலத்தில், மக்களின் அன்றாட வாழ்வில் சமூக வலைதளம் பயன்பாடு ஒரு முக்கியத்துவம் வாய்ந்ததாக மாறிவிட்டது. இதனால் சமூக வலைதளத்தில் பிரதமர் மோடி ஆக்டிவ் ஆக இருந்து வருகிறார். பயணங்கள், உலகத் தலைவர்களுடனான சந்திப்புகள், அரசு விழாக்கள், வாழ்த்துகள் மற்றும் முக்கிய நிகழ்வுகளைப் பகிர, சமூக பிரதமர் பயன்படுத்தி வருகிறார்.

இந்நிலையில் யூடியூபில் அதிகம் பின்தொடர்வோரை கொண்ட தலைவர்கள் பட்டியலில், பிரதமர் மோடி முதலிடம் பிடித்துள்ளார். பிரதமர் மோடியின் பெயரிலான சேனல், 3 கோடி சந்தாதாரர்களுடன் முதலிடத்தில் உள்ளது. அடுத்த இடத்தில் இருக்கும் அமெரிக்க அதிபர் டிரம்ப் சேனலை, 40 லட்சம் பேர் பின்தொடர்கின்றனர்.

* பிரேசில் அதிபர் லூலா டா சில்வா (3வது இடம்)- 15 லட்சம் பேர்

* உக்ரைன் அதிபர் ஜெலன்ஸ்கி (4வது இடம்)- 14 லட்சம் பேர்

* சால்வடோர் அரசியல்வாதி நயிப் புகேலே (5வது இடம்)- 579k

* பிரான்ஸ் அதிபர் இமானுவேல் மேக்ரான் (6வது இடம்)- 391k

* இத்தாலி பிரதமர் ஜார்ஜியோ மெலோனி (7வது இடம்) - 158k

இன்ஸ்டாவிலும் ஆதிக்கம்

ஏற்கனவே 'இன்ஸ்டாகிராம்' சமூக ஊடகத்தில், சர்வதேச அரசியல் தலைவர்களில் அதிகம் பேர் பின்தொடரும் தலைவர் என்ற பெருமையை, பிரதமர் மோடி பெற்று சாதனை படைத்துள்ளார். அவரை பின்தொடர்வோர் எண்ணிக்கை, 10 கோடியை கடந்துள்ளது.


இரண்டாமிடம் பிடித்துள்ள டிரம்பை, 4.30 கோடி பேர் பின்தொடர்கின்றனர். அமெரிக்க அதிபர் டிரம்பை பின்தொடர்வோரின் எண்ணிக்கையை விட இரண்டு மடங்கு அதிகம் என்பது குறிப்பிடத்தக்கது.