பெ.நா.பாளையம்: சின்னதடாகம் அரசு ஆரம்பப் பள்ளியில், ரூ.12 லட்சம் மதிப்பில் சுற்றுச்சுவர் அமைக்கும் பணி துவக்க விழா நடந்தது.

பெரியநாயக்கன்பாளையம் ஊராட்சி ஒன்றியம், சின்னதடாகம் ஒன்றிய ஆரம்பப் பள்ளியில் எம்.எல்.ஏ., தொகுதி மேம்பாட்டு நிதியிலிருந்து, ரூ.12 லட்சம் செலவில் சுற்றுச்சுவர் அமைக்கும் பணி துவக்க விழா நடந்தது.

கவுண்டம்பாளையம் எம்.எல்.ஏ., அருண்குமார், ஒன்றிய செயலாளர் துரைசாமி மற்றும் சோமையம்பாளையம் ஊராட்சி முன்னாள் தலைவர் ரங்கராஜ், முன்னாள் ஒன்றிய குழு உறுப்பினர் ஆனந்தன், நடராஜ் உட்பட பலர் பங்கேற்றனர்.