8 கிலோ கஞ்சா பறிமுதல் கோவை ரயில்வே ஸ்டேஷனுக்கு மும்பையில் இருந்து கோவை எக்ஸ்பிரஸ் வந்தது. இந்த ரயிலின் முன்பதிவற்ற பெட்டியில், மூட்டை ஒன்று கேட்பாரற்று கிடந்தது. கைப்பற்றிய போலீசார் சோதனையிட்டனர். அதில் 8.200 கிலோ கஞ்சா இருந்தது. யாரும் உரிமை கோரவில்லை. கஞ்சாவை பறிமுதல் செய்த மதுவிலக்கு அமலாக்க பிரிவு போலீசார், கடத்தலில் ஈடுபட்டவர்களை தேடி வருகின்றனர்.

வீடு புகுந்து நகை பறிப்பு கவுண்டம்பாளையம் மீனாட்சி நகரை சேர்ந்தவர் ராஜகோபால். இவரது, தாயார் மாரியம்மாள், 103. வீட்டில் உறங்கிக் கொண்டிருந்தார். அப்போது மர்மநபர் பட்டபகலில் வீடு புகுந்து கழுத்தில் அணிந்து இருந்த, ஐந்து பவுன் நகையை பறித்து தப்பினார். கவுண்டம்பாளையம் போலீசார் விசாரிக்கின்றனர்.

பைக் திருட்டு; வாலிபர் கைது வடவள்ளி சத்யமூர்த்தி நகரைச் சேர்ந்தவர் உதயா, 20. வீட்டில் தனது பைக்கை நிறுத்தி விட்டு துாங்கச் சென்றார். மறுநாள் காலை பைக் மாயமாகியிருந்தது. வடவள்ளி போலீசார் விசாரணையில் பைக்கை திருடியது, பீளமேட்டைச் சேர்ந்த ஹரிஹரன், 18 எனத் தெரிந்தது. அவரை கைது செய்தனர்.