புதுச்சேரி: காலப்பட்டு தொகுதி காங்., வேட்பாளர் ஷாஜகான் தொகுதி முழுவதும் பல்வேறு பகுதிகளுக்கு சென்று கை சின்னத்திற்கு ஓட்டு சேகரித்து வருகிறார்.

காலப்பட்டு தொகுதி ஆலங்குப்பம் பகுதியில் கை சின்னத்திற்கு ஓட்டு சேகரித்த ஷாஜகான் பேசுகையில் காங்., தலைவர்கள் சோனியாகாந்தி, ராகுல்காந்தி பெண்களுக்காக நிறைய திட்டங்கள் செய்துள்ளனர். புதுச்சேரி வந்து பிரசாரம் செய்த ராகுல் காங்., ஆட்சி அமைந்தால், குடும்பத்திற்கு வருடத்திற்கு 6 சிலிண்டர், பெண்களுக்கு மாதந்தோறும் ரூ. 2500 ரூபாய் மதிப்பிலான மளிகை பொருட்கள், வேலையில்லாத இளைஞர்களுக்கு வேலை கிடைக்கும் வரை மாதந்தோறும் ரூ. 2 ஆயிரம் நிதியுதவி, வழங்கப்படும் என உத்தரவாதம் அளித்துள்ளார். எனவே நீங்கள் கை சின்னத்திற்கு ஓட்டுப்போட வேண்டும். நான் அமைச்சராக இருந்த போது புதுநகர் பகுதியில் அனைவருக்கும் பட்டா வாங்கினோன். இந்த பகுதியில் எதிர்த்து நிற்பவர்கள் யார் என்று பாருங்கள், இப்பகுதிகளுக்கு அமைதி வேனும் என்றால் நீங்கள் கை சின்னத்திற்கு ஓட்டு போட்டு என்னை பெருவாரியான வாக்கு வித்தியாசத்தில் வெற்றி பெற வைக்க வேண்டும் எனப் பேசினார்.