ஸ்பின்னிங் மில்லில் தீ

சாமிநாதபுரம்: பழநி- கோவை ரோடு தாழையூத்து அருகே உள்ள தனியார் ஸ்பின்னிங் மில்லில் நேற்று மாலை தீப்பிடித்து பொருட்கள் எரிந்தன. மடத்துக்குளம், பழநி தீயணைப்பு துறையினர் தீயை அணைத்தனர். பழநி சாமிநாதபுரம் போலீசார் விசாரிக்கின்றனர்.

மாணவி தற்கொலை

சாணார்பட்டி: மருநூத்து மேற்கு தெருவை சேர்ந்தவர் கீதாஞ்சலி 15, பத்தாம் வகுப்பு மாணவி. உடல் நலக்குறைவால் அவதிப்பட்ட கீதாஞ்சலி வீட்டில் துாக்கிட்டு இறந்தார். சாணார்பட்டி இன்ஸ்பெக்டர் பிரபாகரன் விசாரிக்கிறார்.

கஞ்சா விற்ற இருவர் கைது

பழநி: உழவர் சந்தை பகுதியில் ரோந்து சென்ற டவுன் போலீசார் அங்கு நின்றிருந்த மூலக்கடை முகமது ஜக்ரியா 31, மணக்கண் 19, ஆகியோரை சோதனை செய்ததில் கஞ்சா வைத்திருந்தது தெரிந்தது. இருவரையும் கைது செய்த போலீசார் 70 கிராம் கஞ்சாவை பறிமுதல் செய்தனர்.