மானாமதுரை:எஸ்.கரிசல்குளம் கேட்ட வரம் தரும் முத்துமாரியம்மன் கோயில் பங்குனி பொங்கல் விழாவில் பக்தர்கள் தீச்சட்டி,முளைப்பாரி எடுத்து அம்மனை வழிபட்டனர்.

இக் கோயிலில் கடந்த மாதம் 29ம் தேதி பங்குனி பொங்கல் விழா காப்பு கட்டுதலுடன் துவங்கியது.தினந்தோறும் அம்மனுக்கு அபிஷேக,ஆராதனை,பூஜை நடந்து வந்தது.

முளைப்பாரி வளர்க்கப்பட்டு கோயில் முன் தினமும் பெண்கள் கும்மி பாட்டு பாடியும் அம்மனை வழிபட்டு வந்தனர்.

பொங்கல் விழாவை முன்னிட்டு பக்தர்கள் முளைப்பாரிகளை ஊர்வலமாக கொண்டு சென்று கோயில் முன் வைத்து கும்மி பாட்டு பாடினர். ஏற்பாடுகளை டிரஸ்டிகள் செர்டு பாண்டி,போதும் பொண்ணு மற்றும் பக்தர்கள் செய்திருந்தனர்.