மதுரை: தன் கட்சி வேட்பாளர்களை ஆதரித்து மதுரை மாவட்டத்தில் நேற்று பிரசாரம் செய்த சசிகலா பேசியதாவது:

தமிழகத்தில் ஆட்சி நடத்துபவர்கள் சரியில்லை. தலைமைக்கு வேண்டிய மூன்று அமைச்சர்களிடம் தான் எந்த துறையில் முடிவெடுக்க வேண்டுமானாலும், ஒப்புதல் பெற வேண்டும். இதுதான் தி.மு.க., ஆட்சியில் நடக்கிறது.

திருவாரூர் மாவட்டம் நன்னிலம் தொகுதியில் போட்டியிடும் எங்கள் கூட்டணி வேட்பாளரை, அ.தி.மு.க., முன்னாள் அமைச்சர் ஒருவர், ஆள் வைத்து கடத்திச் சென்று அடித்திருக்கிறார். இப்போது நடப்பது, தி.மு.க., ஆட்சி. அப்படி என்றால், இரண்டு கட்சியினரும் ஒன்றாகி விட்டீர்களா?

தமிழகத்தில், எங்கு பார்த்தாலும், 'மனமகிழ் மன்றம்' என்ற பெயரில் நீதிமன்றத்தை ஏமாற்றி, தி.மு.க., ஆட்களையே வைத்து மதுக்கடை நடத்து கிறார்கள்.

இவ்வாறு சசிகலா பேசினார்.