புதுடில்லி: மற்றும் மேற்கு வங்கத் தேர்தல் முடிவுகள் உங்களை ஆச்சரியப்படுத்தும் என்று பாஜ தேசிய தலைவர் நிதின் நபின் தெரிவித்துள்ளார்.

ஏஎன்ஐ செய்தி நிறுவனத்தின் நேர்காணலில் அவர் பேசியதாவது; அண்ணாமலை லோக்சபா தேர்தலில் போட்டியிட்டார். நேற்று அவர் பிரசாரத்திலும் பங்கேற்றார். எங்கும் அதிருப்தி இல்லை. கட்சி ஒரு பிரிவாக இணைந்து தேர்தலைச் சந்திக்கிறது. எங்கள் கூட்டணியில் அதிமுக பெரிய கட்சியாக இருக்கிறது. பாஜ அனைத்து கூட்டணிக் கட்சிகளையும் மரியாதையுடன் ஒன்றிணைத்து, என்டிஏ கூட்டணி என்ற பெயரில் போட்டியிடுகிறது.

தமிழகத்தில் பாஜ 27 இடங்களில் போட்டியிடுகிறது. தமிழகம் மற்றும் மேற்கு வங்கத் தேர்தல் முடிவுகள் உங்களை ஆச்சரியப்படுத்தும். திமுகவின் ஊழல் மற்றும் அவர்கள் செய்த திருப்திபடுத்தும் அரசியலுக்கு மக்கள் தகுந்த பதிலடி கொடுப்பார்கள். தமிழகத்தில் என்டிஏ ஆட்சி அமைக்கும். அங்கு மாற்றம் ஏற்படும் என்பதற்கான தெளிவான அறிகுறிகள் உள்ளன.

பாஜ அனைத்து மாநிலங்களிலும் ஆட்சியில் இல்லை என்பதை திமுகவினர் தெரிந்துகொள்ள வேண்டும். வடகிழக்கு மாநிலங்களில் நாங்கள் முதலில் வளர்ச்சியைத் தான் கொண்டு வந்தோம். அதன் பின்னரே அங்கு எங்களது ஆட்சி அமைந்தது. கேரளா மெட்ரோ திட்டங்களைப் பெற்றுள்ளது. எந்தக் கட்சி ஆட்சியில் இருக்கிறது என்பதைப் பொறுத்து நாங்கள் வளர்ச்சியைப் பார்ப்பதில்லை. இது காங்கிரஸின் சிந்தனை. பிரதமர் மோடியின் தலைமையில் நலத்திட்டங்கள் எவ்வித பாகுபாடுமின்றி செயல்படுத்தப்பட்டு வருகிறது.

கேரளாவைப் பொறுத்தவரையில் இடதுசாரி மற்றும் காங்கிரஸ் கூட்டணியைப் பார்த்தால், அவர்கள் நாடு முழுவதும் இணைந்து தேர்தலில் போட்டியிட்டனர். அண்டை மாநிலமான தமிழகத்திலும் அவர்கள் கூட்டணியில் உள்ளனர். நீங்கள் விளையாடும் இந்த 'மேட்ச்-பிக்சிங்' விளையாட்டு கேரள மக்களுக்கு நன்றாகத் தெரியும். காங்கிரஸ் மற்றும் கம்யூனிஸ்ட்களை பாஜ வெளிப்படையாகவே தகர்த்து வருகிறது. எதிர்காலத்திலும் அவற்றை முற்றிலுமாக அகற்றப்படும். காங்கிரஸ் இல்லாத பாரதம் என்பதே எங்களது கனவு. சபரிமலைப் பிரச்சினை குறித்து ராகுல் காந்தி என்றாவது பேசியிருக்கிறாரா?, இவ்வாறு அவர் கேள்வி எழுப்பினார்.