வேடசந்துார்:வேடசந்துாரில் 1978 ஏப்., 9 அன்று மின் கட்டணத்தை குறைக்க கோரி விவசாயிகள் நடத்திய போராட்டத்தை தொடர்ந்து போலீசார் நடத்திய துப்பாக்கி சூட்டில் 6 விவசாயிகள் இறந்தனர். இவர்களின் நினைவாக வேடசந்துாரில் நினைவு ஸ்துாபி கட்டப்பட்டு வீரவணக்க நாள் அனுசரிக்கப்பட்டு வருகிறது.

ஏப்ரல் 9 ஆம் தேதி நடந்த வீர வணக்க நாளில் விவசாயிகள் நலச்சங்கம் தலைவர் கனகராஜ் தலைமையில் மலர் வளையம் வைத்து வணங்கினர். இது போல் தமிழக விவசாயிகள் முன்னேற்ற சங்கம் சார்பில் மாவட்ட தலைவர் நடராஜன் தலைமையில் அனைத்து இந்திய விவசாயிகள் தொழிலாளர்கள் சங்கம் சார்பில் நிறுவனத் தலைவர் விவசாய மணி தலைமையில் மலர் வளையம் வைத்து வணங்கினர்.