மாவட்ட எல்லையான எஸ்.எஸ்., கோட்டையில் இருந்து காரைக்குடி வரை மக்கள் வழிநெடுக வரவேற்பு அளித்தனர். காரைக்குடி இன்கம்டாக்ஸ் ஸ்டாப்பில் இறங்கிய அவர், கல்லுாரி ரோட்டில் சில நிமிடம் சைக்கிள் ஓட்டிய படியே பிரசாரம் செய்தார். மீண்டும் வேனில் ஏற முற்பட்டபோது தொண்டர்கள் அவரை நெருக்கி தள்ளிவிட்டனர். விஜய் மீது பாட்டில் உள்ளிட்ட பொருட்களை வீசிவிடாமல் இருக்க கண்காணிக்கும் பணியில் 'மப்டி' போலீசார் ஈடுபட்டனர்.


காரைக்குடியில் விஜய்யை பார்க்க 5:00 மணிநேரம் காத்திருந்த நாகராஜன், சிவரஞ்சனி தாம்பதியின் ஒன்றரை வயது குழந்தை மயங்கியது. மாநகராட்சி அலுவல மாடியில் ஏறி நின்ற தொண்டர்களை போலீசார் அகற்ற முற்பட்டபோது, தொண்டர்கள் வாக்குவாதத்தில் ஈடுபட்டனர்.


விஜய் தேர்தல் பிரசார பாதுகாப்பிற்கென சிவகங்கை எஸ்.பி., சிவபிரசாத் தலைமையில் கூடுதல் எஸ்.பி.,க்கள், டி.எஸ்.பி.,க்கள், இன்ஸ்பெக்டர்கள் என 850 போலீசார் ஈடுபடுத்தப்பட்டனர்.


இது குறித்து வேட்பாளர் டாக்டர் பிரபு கூறியதாவது, பிரசாரத்திற்கான நேரம் மதியம் 12:00 மணி முதல் 2:30 மணி வரை மட்டுமே ஒதுக்கினர். ஆனால், விஜய் மதியம் 2:38க்கு வந்ததால், பேசாமல் வேனிலேயே கையசைத்து விட்டு சென்றுவிட்டார் என்றார்.