முதுகுளத்துார்: முதுகுளத்துார் தாலுகா அலுவலகத்தில் அனைத்து கட்சியினர் கூட்டம் நடந்தது. பொது பார்வையாளர் உலகநாதன் தலைமை வகித்தார். தேர்தல் நடத்தும் அலுவலர் கங்காதேவி முன்னிலை வகித்தார். முதுகுளத்துார் தொகுதியில் 35 பேர் வேட்பு மனுதாக்கல் செய்த நிலையில் பரிசீலனை, வாபஸ் செய்யப்பட்டு 15 மனுக்கள் திரும்ப பெறப்பட்டு முடிவில் 20 வேட்பாளர்கள் போட்டியில் உள்ளனர்.

அப்போது முதுகுளத்துார் தொகுதியில் போட்டியிடும் வேட்பாளர்கள் தேர்தல் நடத்தை விதிமுறைகளை முழுமையாக பின்பற்றியும் அதிகாரிகளுக்கு ஒத்துழைப்பு கொடுக்க வேண்டும். ஏதேனும் புகார்கள் இருந்தால் தேர்தல் நடத்தும் அலுவலரிடம் தொடர்பு கொள்ளலாம் என்றனர். உடன் தாசில்தார் கோகுல்நாத், தேர்தல் பிரிவு துணை தாசில்தார் வேங்கட கிருஷ்ணன், ஆர்.ஐ.,தினேஷ்பிரபு உட்பட அனைத்து கட்சி நிர்வாகிகள் கலந்து கொண்டனர்.