அரூர் : தர்மபுரி மாவட்டம், அரூர் (தனி) தொகுதியில், அ.தி.மு.க., - சம்பத்குமார், தி.மு.க., - சண்முகம், த.வெ.க., -ராகேஷ், நா.த.க., - அனிதா உள்ளிட்ட, 14 வேட்பாளர்கள் போட்டியிடுகின்றனர். தி.மு.க., சார்பில் வேட்பாளர் அறிமுக கூட்டம் நேற்று முன்தினம் நடந்தது. தி.மு.க., கூட்டணியில், காங்.,-வி.சி., - தே.மு.தி.க., - ம.தி.மு.க.,- சி.பி.எம்., - சி.பி.ஐ.,- கொ.ம.தே.க.,- ம.ம.க., -இந்தியன் யூனியன் முஸ்லீம் லீக் உள்ளிட்ட பல்வேறு கட்சிகள் மற்றும் அமைப்புகள் இடம் பெற்றுள்ளன. இந்நிலையில் முறையான அழைப்பு மற்றும் கவனிப்பு இல்லாததால், தி.மு.க., கூட்டணி கட்சி நிர்வாகிகள் அதிருப்தி அடைந்துள்ளனர்.


இது குறித்து அவர்கள் கூறியதாவது: வேட்பாளர் அறிமுக கூட்டம், ஆலோசனை கூட்டங்களுக்கு எங்களை அழைக்கின்றனர். அங்கு, ஒரு சால்வை அணிவித்து மேடையில் அமர வைக்கின்றனர். ஆனால், நாங்கள் எதிர்பார்ப்பது கிடைப்பதில்லை. எங்களுக்கு செலவாகிறது. கேட்டால் இப்போதுதான் அறிமுக கூட்டம் நடக்கிறது. இன்னும் பிரசாரம் ஆரம்பிக்கவில்லை. சரியான நேரத்தில் உங்களுக்கு பார்க்கப்படும் என கூறுகின்றனர். டீ, காபி மட்டும்தான் கொடுக்கின்றனர். சாப்பாடு கூட கொடுப்பதில்லை. கிராமங்களில் நடக்கும் பிரசாரத்திற்கு அழைப்பதில்லை.
இவ்வாறு, அவர்கள் கூறினர்.