சிதம்பரம்: சிதம்பரம் மாவட்ட மருத்துவ கல்லுாரி மருத்துவமனை வாயிலில், 10 ஆயிரம் ரூபாய் கீழே கிடந்ததாக, அண்ணாமலை பல்கலையில் வாட்டர் சப்ளையராக பணியாற்றி வரும் சந்திரபாண்டியன் மற்றும் செக்யூரிட்டி சங்கர் ஆகியோர் பணத்தை போலீசில் ஒப்படைத்தார். அதனையடுத்து, அண்ணாமலை நகர் இன்ஸ்பெக்டர் அம்பேத்கர், தவறி விட்ட 10 ஆயிரம் பணத்தின் புடைப்படத்துடன் அனைத்து வாட்ஸ் ஆப் மற்றும் சமூக வளைதளத்தில் பதிவிட்டு, தவற விட்டவர்கள் பெற்றுக்கொள்ள கோரினார்.

இந்நிலையில், நேற்று பணத்தை தவற விட்ட, காட்டுமன்னார்கோவில் அடுத்த கண்டமங்கலத்தை சேர்ந்த லாரி டிரைவர் சாமிநாதன் என்பவர், போஸ் நிலையத்ததை அணுகி, தொலைந்த பணம் தன்னுடையது என தெரிவித்தார். மருத்துவமனையின், விபத்துக்குள்ளான தனது மகனை சேர்த்துவிட்டு, அங்கே தங்கியிருந்தபோது டீ சாப்பிட வெளியில் வந்தபோது பணத்தை தவறவிட்டதாக தெரிவித்தார்.

அதையடுத்து, போலீசார் விசாரணைக்கு பின்பு , நேற்று அவரிடம் பணத்தை ஒப்படைத்தனர்.