தங்கவயல்: தமிழகத்தின் வேலூர் மாவட்டம் குடியாத்தத்தை சேர்ந்தவர் நவீன், 25. இவரது உறவினரின் மகள் நிஷா, 10.

இவர்கள், தங்களது உறவினர் வீட்டு விசேஷத்துக்காக, இரு சக்கர வாகனத்தில் தங்கவயல் பிச்சபள்ளிக்கு வந்திருந்தனர். நிகழ்ச்சி முடிந்து நேற்று குடியாத்தத்திற்கு, இரு சக்கர வாகனத்தில் கிளம்பினர்.

பேத்தமங்களா அருகே உள்ள பில்லகொண்ட ஹள்ளி கிராமம் அருகே வேகமாக வந்த கார், இவர்களது இருசக்கர வாகனத்தின் மீது மோதியது. இதில் நவீன், 25 சம்பவ இடத்திலேயே உயிரிழந்தார்.

நிஷாவுக்கு பலத்த காயம் ஏற்பட்டது. அவரை உடனடியாக அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்படுகிறது.