ஆண்டிபட்டி:ஜம்புலிப்புத்தூர் கதலி நரசிங்க பெருமாள் கோயிலில் சித்திரை திருவிழாவிழா கொடியேற்று விழா நடந்தது. ஹிந்து அறநிலையத்துறை கட்டுப்பாட்டில் உள்ள 800 ஆண்டுகளைக் கடந்த பழமையான இக்கோயிலின் சித்திரை திருவிழா கோயில் செயல் அலுவலர் சுதா தலைமையில் கொடி ஏற்றத்துடன் துவங்கியது.

நிகழ்ச்சியை முன்னிட்டு ஹோமம், சிறப்பு பூஜைகள் நடந்தது. கோயில் வளாகத்தில் வாசாந்தி நிகழ்ச்சிக்குப் பின் ஆழ்வார்கொடிப் பட்டம் ஊர்வலமாக எடுத்து வரப்பட்டு, கொடியேற்றப்பட்டது. 10 நாட்கள் மண்டகப்படி நிகழ்ச்சிகளுக்கு ஏற்பாடுகள் செய்யப்பட்டுள்ளன. விழாவின் 9ம் நாள் நிகழ்ச்சியில் சுவாமி திருத்தேர் எழுந்தருளலும், மே 1, 2 தேதிகளில் தேரோட்டமும் நடைபெறும். மே 3ல் சப்தாவர்ண நிகழ்ச்சியில் சுவாமி பூ பல்லக்கு ஊர்வலம் நடைபெறும். விழா ஏற்பாடுகளை கோயில் நிர்வாகத்தினர் மேற்கொண்டுள்ளனர்.