பெருங்களத்துார்: புதுபெருங்களத்துார், புத்தர் நகரைச் சேர்ந்தவர் முத்துலட்சுமி, 68. இவர், நேற்று காலை செங்கல்பட்டிற்கு செல்வதற்காக, பெருங்களத்துார் பேருந்து நிலையத்தில் பேருந்துக்காக காத்திருந்தார்.

அப்போது, தாம்பரத்தில் இருந்து மறைமலை நகர் நோக்கி சென்ற தடம் எண்: '118பி' என்ற அரசு பேருந்து, அவர் மீது மோதியது.

பலத்த காயமடைந்த மூதாட்டி, சம்பவ இடத்திலேயே இறந்தார். தகவலறிந்து வந்த போலீசார், மூதாட்டியின் உடலை பிரேத பரிசோதனைக்காக தாம்பரம் மாவட்ட அரசு மருத்துவமனைக்கு அனுப்பினர்.

இது குறித்து விசாரிக்கும் தாம்பரம் போக்குவரத்து புலனாய்வு பிரிவு போலீசார், பேருந்து ஓட்டுநரான செம்பாக்கத்தைச் சேர்ந்த சரவணன், 54 என்பவரை, கைது செய்து விசாரிக்கின்றனர்.