திருப்பூர்:திருப்பூர் தெற்கு தொகுதியில் இந்த முறை தேர்தல் களம் அனல் பறந்ததோடு, வாக்குப்பதிவு சதவீதமும் 90.71 சதவீதம் ஆக உயர்ந்தது. மொத்தமுள்ள 1.97 லட்சம் வாக்காளர்களில், 1.78 லட்சம் பேர் தங்கள் ஜனநாயகக் கடமையை நிறைவேற்றினர்.

'நுாற்றுக்கு நுாறு' பூத்:

தொகுதியில் 289 வாக்குச்சாவடிகள் (பூத்கள்) இருந்தன. 102-வது எண் பூத்தில் (கதிரவன் பள்ளி) மொத்த வாக்காளர்கள் 851 பேரும் (430 ஆண், 421 பெண்) ஒருவர்கூட விடாமல் ஓட்டளித்து 100 சதவீதப் பதிவை எட்டச் செய்துள்ளனர்.

அதிக வாக்குப்பதிவு பூத்கள்:

பூத் 146: அதிகபட்சமாக 1003 வாக்காளர்களைக் கொண்ட இந்தப் பூத்தில் 941 பேர் வாக்களித்தனர்.

பூத் 285: 998 பேரில் 935 பேர் வாக்களித்தனர்.

பூத் 156: 979 பேரில் 908 பேர் வாக்குப்பதிவு செய்தனர்.

இதர பூத்கள் (289, 174, 194, 232) ஆகியவற்றிலும் 800-க்கும் மேற்பட்ட வாக்குகள் பதிவாகின.

குறைவான வாக்காளர் பூத்கள்:

பூத் 202: மிகக்குறைந்த வாக்காளர்கள் (340 பேர்) கொண்ட பூத் இது. இதில் 327 பேர் வாக்களித்தனர்.

பூத் 19: 377 பேரில் 341 பேர் ஓட்டளித்தனர்.

பூத் 199, 152, 121, 32 ஆகிய சிறிய பூத்களிலும் சராசரியாக 350-க்கும் மேற்பட்ட வாக்குகள் பதிவாகின.

வித்தியாசமான மற்றும் சீரான பதிவு:

ஒரே அளவு வாக்காளர்கள்: பூத் 277 மற்றும் 278 இரண்டிலும் தலா 610 வாக்காளர்கள் இருந்தனர். அதேபோல் பூத் 266 மற்றும் 267 இரண்டிலும் தலா 445 வாக்காளர்கள் இருந்தனர்.


சில பூத்களில் 'ரவுண்ட் நம்பர்' ஆக வாக்குப்பதிவு அமைந்தது.

பூத் 55: 533-க்கு 500 பேர்.

பூத் 61: 658-க்கு 600 பேர்.

பூத் 147: 801-க்கு 700 பேர்.

பூத் 160: 800-க்கு 750 பேர்.