நமது நிருபர்

தமிழகம், தேசிய மற்றும் சர்வதேச அளவில் இன்று நடக்கும் முக்கிய நிகழ்வுகள். இன்று (ஏப்ரல் 27) நீங்கள் தெரிந்து கொள்ள வேண்டிய முக்கிய செய்திகள் என்னென்ன?

அது எத்தனை மணிக்கு என்பது குறித்து ஓர் சிறப்பு அலசல். மேலும் தொடர்ந்து விவரங்களை அறிய தினமலர் இணையதளம் தொடர்ந்து படியுங்கள்.


* இந்தியா - நியூசிலாந்து இடையே தடையற்ற வர்த்தக ஒப்பந்தம் இன்று கையெழுத்தானது. 70 சதவீத இந்திய பொருட்கள் வரி இல்லாமல் ஏற்றுமதி செய்ய வாய்ப்புள்ளது என மத்திய வர்த்தக துறை அமைச்சர் பீயூஷ் கோயல் தெரிவித்தார்.


* மேற்கு வங்கத்தில் இறுதிக்கட்ட தேர்தலுக்கு இன்று மாலை 6 மணிக்கு பிரசாரம் ஓய்கிறது; 142 சட்டசபை தொகுதிகளில் நாளை மறுநாள் ஏப்ரல் 29ம் தேதி ஓட்டுப்பதிவு நடைபெறுகிறது.

* எம்பிபிஎஸ், பல் மருத்துவம், சித்தா, ஆயுர் வேதா உள்ளிட்ட மருத்துவ படிப்புகளுக்கான நீட் தேர்வு ஹால் டிக்கெட் இன்று வெளியிடப்படுகிறது.

விளையாட்டு

* பீரிமியர் லீக் போட்டியில் டில்லி- பெங்களூரு அணிகள் இன்று மோதுகின்றன. டில்லி அணி தோல்வியிலிருந்து மீண்டு வந்து வெற்றி பெறுமா என ரசிகர்கள் மத்தியில் எதிர்பார்ப்பு நிலவுகிறது.

சினிமா

* ஜனநாயகன் படத்திற்கு தணிக்கை சான்று வழங்குவது குறித்து இன்று சென்சார் போர்டு தகவல் தெரிவிக்க உள்ளது; தணிக்கை குழு அதிகாரிகள் ஜனநாயகன் படத்தை மீண்டும் பார்த்துள்ள நிலையில், எப்பொழுது வெளியாகும் என்ற எதிர்பார்ப்பு எழுந்துள்ளது.

ஆன்மிகம்

* தஞ்சை பெரிய கோவில் சித்திரை பெருவிழா தேரோட்டத்தில் ஏராளமான பக்தர்கள் கலந்து கொண்டு தேரை வடம்பிடித்து இழுத்தனர்; தேர் திருவிழாவையொட்டி தஞ்சைக்கு இன்று உள்ளூர் விடுமுறை அறிவிக்கப்பட்டு உள்ளது.


* மதுரை அழகர் கோவில் சித்திரை திருவிழா இன்று தொடங்குகிறது. மே 1ம் தேதி அழகர் ஆற்றில் இறங்கும் நிகழ்வு நடக்க உள்ளது.