கோவை: தமிழ்நாடு விளையாட்டு மேம்பாட்டு ஆணைய கோவை கிளை சார்பில், 2026 - 27ம் ஆண்டுக்கான விளையாட்டு விடுதி மாணவர் சேர்க்கைக்கான அறிவிப்பு வெளியாகி உள்ளது.

வரும் மே 3ம் தேதி மாலை 6:00 மணிக்குள் www.sdat.tn.gov.in என்ற இணையதள முகவரியில் விண்ணப்பிக்க வேண்டும். 6,7,8,9 ம் வகுப்புகள் மற்றும் 11 ம் வகுப்பு மாணவர்கள் மட்டும் இணையதளம் மூலம் விண்ணப்பிக்கலாம்.

இதில் தடகளம், கூடைப்பந்து, கால்பந்து, டென்னி காயிட், கபாடி, வாலிபால், கிரிக்கெட், ஹேண்ட்பால் போன்ற விளையாட்டு போட்டிகளில் மாணவர்கள் சேர்க்கப்பட உள்ளனர்.

இதற்கான தேர்வு போட்டி மே 7ம் தேதி காலை 7 மணி முதல் மாணவர்களுக்கும், 8 ம் தேதி காலை 7 மணி முதல் மாணவியருக்கும் கோவை நேரு ஸ்டேடியத்தில் நடக்க உள்ளது.

பங்கேற்பவர்கள் ஆதார் அட்டை, பிறப்புச் சான்றிதழ், விளையாட்டு சான்றிதழ்கள் மற்றும் பள்ளியில் படிப்பதற்கான ஏதேனும் ஒரு ஆவணத்தை கண்டிப்பாக கொண்டு வர வேண்டும் என அறிவிப்பில் கூறப்பட்டுள்ளது.