ராஜபாளையம்: தினமலர் செய்தி எதிரொலியால் ராஜபாளையம் நகர் பகுதியில் மக்களுக்கு இடையூறாக இருந்த த.வெ.க., ஆக்கிரமிப்பு பிளக்ஸ் பேனர்கள் அகற்றப்பட்டுள்ளது.

ஊரக வளர்ச்சி அமைச்சரும், த.வெ.க., பொதுச்செயலாளருமான ஆனந்த் ரோடுகளிலோ மக்கள் அதிகம் கூடும் பொது இடங்களிலோ போக்குவரத்து இடையூறு ஏற்படுத்தும் வகையில் கட்சியினர் பேனர்கள் வைக்கக்கூடாது, மீறுபவர்கள் மீது கடும் நடவடிக்கை எடுக்கப்படும் என அறிக்கை வெளியிட்டிருந்தார். இந்த மாற்றம் மக்களிடையே வரவேற்பு ஏற்படுத்தியது.

இது பற்றி கட்சியினர் கண்டுகொள்ளாமல் 5 நாட்களுக்கு மேல் இடையூறாக பிளக்ஸ் பேனர்கள் இருந்து வந்தது. இது குறித்து தினமலர் நாளிதழில் நேற்று முன்தினம் செய்தி வெளியானது.

செய்தி எதிரொலியாக ராஜபாளையம் தேசிய நெடுஞ்சாலையில் அரசு மருத்துவமனை காந்தி சிலை ரவுண்டானா உள்ளிட்ட பொதுமக்கள் அதிகம் நடமாடும் பகுதிகளில் இருந்த பிளக்ஸ் போர்டுகள் அகற்றப்பட்டுள்ளன.