வால்பாறை: தென்மேற்கு பருவமழை துவங்கிய நிலையில் மேல்நீராறில், 93 மி.மீ., மழை பெய்தது.

பி.ஏ.பி., அணைகளின் முக்கிய நீர் ஆதாரமாக விளங்கும் வால்பாறையில், இந்த ஆண்டு தென்மேற்கு பருவமழை கடந்த, 16ம் தேதி முதல் பெய்கிறது. வால்பாறை நகர் மற்றும் எஸ்டேட் பகுதியில் இடியுடன் கனமழை பெய்து வருவதால், அணைகளின் நீர்பிடிப்பு பகுதிகளில் நீர்வரத்தும் அதிகரித்து வருகிறது.

வால்பாறையை குளிர்விக்கும் வகையில் பெய்யும் பருவமழையால், உள்ளூர் மக்களும், சுற்றுலா பயணியரும் மகிழ்ச்சியடைந்துள்ளனர்.

(மே 18)காலை, 6:00 மணி வரை பெய்த மழை அளவு விபரம் (மி.மீ.,):

வால்பாறை - 31, சோலையாறு - 10, பரம்பிக்குளம் - 16, மேல்நீராறு - 93, கீழ்நீராறு - 15, காடம்பாறை - 32, மேல்ஆழியாறு - 42, சர்க்கார்பதி - 28, வேட்டைக்காரன்புதுார் - 2, துாணக்கடவு - 11, பெருவாரிப்பள்ளம் - 10, நவமலை - 37, பொள்ளாச்சி - 2, என்ற அளவில் மழை பெய்தது.