பணியாளர்களை நியமிக்கும் முன், அவர்களின் முழு விவரங்களை சரிபார்க்க வேண்டும் என அறிவுறுத்தப்பட்டது. நன்னடத்தை சான்றிதழ்களை கட்டாயமாக பெற வேண்டும் என்றும் கூறப்பட்டது.பணியாளர்களின் பெயர், நிரந்தர முகவரி, ஆதார் உள்ளிட்ட அடையாள ஆவணங்கள், செல்போன் எண்கள், அவசர தொடர்பு விபரங்கள் ஆகியவற்றை பதிவு செய்து தொடர்ந்து புதுப்பித்து பராமரிக்க வேண்டும் என அறிவுறுத்தப்பட்டது.

வெளிமாநிலம் மற்றும் வெளிநாடுகளை சேர்ந்தவர்களை பணியில் சேர்க்கும் போது கூடுதல் கவனத்துடன் செயல்பட வேண்டும் என்றும் தெரிவிக்கப்பட்டது.

இக்கூட்டத்தில் கமிஷனர் கண்ணன் பேசுகையில், “மக்களை நேரடியாக அணுகும் பணிகளில் உள்ளவர்களை நியமிக்கும் போது மிகுந்த கவனம் தேவை. அவர்களை பற்றி முழுமையாக தெரிந்த பிறகே பணியில் சேர்க்க வேண்டும். குறிப்பாக ஏ.டி.எம்., மையங்கள் மற்றும் வீடுகளுக்கு பாதுகாப்பு பணிக்கு அனுப்பப்படும் செக்யூரிட்டிகள், வயதை விட உடல் ஆரோக்கியமும், உடல் பலமும் கொண்டவர்களாக இருக்க வேண்டும். வயது முதிர்ந்த மற்றும் பணியை சரியாக செய்ய முடியாதவர்களை பாதுகாப்பு பணியில் நியமிப்பது ஆபத்துகளை அதிகரிக்கக்கூடும். பணியாளர்கள் நியமனத்திற்கு தனி 'செக் லிஸ்ட்' தயாரித்து அனைத்து ஏஜென்சிகளுக்கும் வழங்கப்படும்,” என்றார்.