வேளச்சேரி: வீட்டில் தனியாக இருந்த பெண்ணிடம் சில்மிஷத்தில் ஈடுபட்ட, மாநகராட்சி தற்காலிக ஊழியர் கைது செய்யப்பட்டார்.

சென்னை, கலங்கரை விளக்கம், அம்மன் கோவில் தெருவைச் சேர்ந்தவர் பத்மநாபன், 40. அடையாறு மண்டலம், 177வது வார்டில், மலேரியா தடுப்பு தற்காலிக ஊழியராக பணி புரிந்தார்.

நேற்று முன்தினம், வீடு தோறும் சென்று கொசு ஒழிப்பு தடுப்பு பணியில் ஈடுபட்டார். அப்போது, ஒரு வீட்டில் தனியாக இருந்த 27 வயது பெண்ணிடம், வீட்டு கழிப்பறையை பயன்படுத்த கேட்டுள்ளார்.

மாநகராட்சியில் இருந்து வருவதால், நம்பிக்கையாக வீட்டில் அனுமதித்தார். கழிப்பறை பயன்படுத்திவிட்டு வெளியே வந்தவர், பெண்ணிடம் சில்மிஷம் செய்துள்ளார்.

இது குறித்து அளித்த புகாரை அடுத்து, வேளச்சேரி போலீசார், நேற்று பத்மநாபனை கைது செய்தனர்.