ரியோ டி ஜெனிரோ: 'பிபா' உலக கோப்பை கால்பந்து தொடர் அமெரிக்கா, மெக்சிகோ, கனடாவில், வரும் ஜூன் 11-ஜூலை 19ல் நடக்க உள்ளது.
இதற்கான 26 பேர் கொண்ட பிரேசில் அணி அறிவிக்கப்பட்டது. சமீபத்திய போட்டிகளில் நட்சத்திர வீரர்களாக திகழும் வினிசியஸ் ஜூனியர், ராபினா இடம் பெற்றுள்ளனர்.
முன்னாள் கேப்டன் நெய்மர் 34, அணியில் சேர்க்கப்பட்டுள்ளார். கடந்த 2023, அக்டோபர் முதல் சரியான 'பிட்னஸ்' இல்லாமல் தவிக்கும் இவர், பிரேசில் அணிக்காக அதிக கோல் அடித்தவர்களில் முதலிடத்தில் (79 கோல்) உள்ளார். ரோட்ரிகோ, எஸ்தவாவோ காயத்தால் இடம் பெறாதது, அணிக்கு பின்னடைவு.
முன்கள வீரர்களாக கேபிரியல் மார்டினெல்லி, இகோர் தியாகோ, ரேயன், லுாயிஸ் ஹென்ரிக், மத்திய களத்தில் பேபினோ, லுாகாஸ் பாகுயட்டா, கோல்கீப்பர்கள் அலிசன், எடர்சன், வேவர்டன் உள்ளிட்டோர் இடம் பெற்றுள்ளனர்.