மதுரை: மதுரை கருப்பாயூரணியை அடுத்துள்ள சக்கிமங்கலம் அருகே நரிக்குறவர் காலனி உள்ளது. இங்கு 800 க்கும் மேற்பட்ட குடும்பங்கள் உள்ளன. இங்கு கழிவறை வசதி இல்லாதது பெரும் அவலமே. பலரும் திறந்தவெளியை பயன்படுத்தும் நிலை உள்ளது. இதனால் சுகாதார கேடு ஏற்பட வாய்ப்பு உருவாகிறது.

தவிர இங்குள்ள வீடுகள் கட்டப்பட்டு 30 ஆண்டுகளுக்கும் மேலாகி விட்ட நிலையில் குடியிருப்புகள் பழுதடைந்துள்ளன. அவற்றை பராமரிக்கவும் வழியில்லை. சிதிலமடைந்து வரும் வீடுகளை பழுதுபார்க்க அரசு நடவடிக்கை எடுக்க வேண்டும் என எதிர்பார்க்கின்றனர்.