சங்கராபுரம்: சங்கராபுரம் அருகே மனைவியைக் காணவில்லை என கணவர், போலீசில் புகார் அளித்துள்ளார்.

சங்கராபுரம், பொய்குனம் சாலையைச் சேர்ந்தவர் பாஸ்கர். விவசாயி. இவரது மனைவி அலமேலு, 59; சங்கராபுரத்தில் தனியார் மருத்துவமனையில் துப்புரவு பணியாளராக பணிபுரிந்து வருகிறார்.

கடந்த 23ம் தேதி வேலைக்குச் சென்ற அலமேலு வீடு திரும்பவில்லை. பல இடங்களில் தேடியும் கிடைக்கவில்லை.

இதுகுறித்த பாஸ்கர் அளித்த புகாரின் பேரில் சங்கராபுரம் போலீசார் வழக்குப் பதிந்து விசாரித்து வருகின்றனர்.