கொடைக்கானல்: கொடைக்கானல் ரோஜா பூங்காவில் பூத்துக் குலுங்கும் ரோஜாக்களை பயணிகள் ரசித்தனர்.

கொடைக்கானல் அப்சர்வேட்டரியில் தோட்டக்கலைதுறையின் ரோஜா பூங்கா 10 ஏக்கரில் உள்ளது. இங்கு 1500 வகையுடன் 16 ஆயிரம் ரோஜா செடிகள் நடவு செய்யப்பட்டுள்ளன. இவை மே மாதத்தில் நன்கு பூத்துக் குலுங்குகிறது. பிரையன்ட் பூங்காவில் 63 வது மலர் கண்காட்சி மே 20 அன்று தொடங்கி 31 வரை 12 நாள் நடக்கிறது. ரோஜா ரோஜா பூங்காவில் இத்தருணத்தில் பயணிகளை மகிழ்விக்க மலர்களால் உருவாக்கப்பட்ட டால்பின், கார்ட்டூன் முயல், செல்பி ஹார்ட், செல்பி பாயிண்ட் உள்ளிட்ட 4 உருவமைப்புகளை உருவாக்கி உள்ளனர். வருகை தரும் பயணிகள் இதன் பின்னணியில் புகைப்படம் எடுத்து மகிழ்ந்தனர்.இதற்கிடையே லட்சக்கணக்கில் பல வண்ணங்களில் பூத்துள்ள ரோஜா பூக்களை பயணிகள் ஆர்வமுடன் கண்டு ரசிக்கின்றனர்.