உளுந்துார்பேட்டை: ஜூன் 4-: திருவாரூரை சேர்ந்த பசுபதி, 21; இவர், டி.என்.50.ஏஎம்.5862 பதிவெண் கொண்ட தோஸ்த் வாகனத்தில், சென்னையில் இருந்து திருச்சிக்கு சென்றார். நேற்று காலை 7 மணியளவில் கெடிலம் ஆற்றுப்பாலத்திற்கு முன்புறம் சாலையோரம் வாகனத்தை நிறுத்தியிருந்தார்.

அப்போது, அதே திசையில் திருவண்ணாமலை மாவட்டம், கொட்டாவூரை சேர்ந்த நிஷாந்த், 24; ஓட்டி வந்த மினி வேன் (டாடா 407) சாலையோரம் நின்றிருந்த தோஸ்த் வாகனத்தின் மீது மோதியது. இரு வாகனங்களும் சாலையோர பள்ளத்தில் கவிழ்ந்தன. டிரைவருக்கு லேசான காயங்கள் ஏற்பட்டது. திருநாவலுார் போலீசார் விபத்துக்குள்ளான வாகனங்களை மீட்டு, வழக்கு பதிந்து விசாரித்து வருகின்றனர்.