நமது நிருபர்

தமிழக முதல்வர் விஜய்க்கு பிரதமர் மோடி, திமுக தலைவர் ஸ்டாலின், அண்ணாமலை உள்ளிட்டோர் பிறந்தநாள் வாழ்த்து தெரிவித்துள்ளார்.

திரையுலகில் வெற்றிகரமான நடிகராக உச்சம் தொட்டு சாதித்த விஜய், கடந்த 2024 பிப்ரவரி 2ல் தமிழக வெற்றிக் கழகம் என்ற கட்சியை தொடங்கினார். முதல் தேர்தலிலேயே 108 இடங்களில் அபாரமான வெற்றி பெற்று, காங்., - வி.சி.க., - கம்யூனிஸ்ட்டுகள், முஸ்லிம் லீக் கட்சிகளின் ஆதரவுடன் ஆட்சி அமைத்துள்ளார்.

தமிழக அரசியலில் முன்னெப்போதும் இல்லாத சாதனையை படைத்துள்ள முதல்வர் விஜய், இன்று (ஜூன் 22) 52வது பிறந்தநாளை கொண்டாடுகிறார். அவர் முதல்வரான பின், வரும் முதல் பிறந்த நாள் என்பதால், இதை பெரும் திருவிழாவாக தவெகவினர் கொண்டாடி மகிழ்ந்து வருகின்றனர்.

இந்நிலையில், முதல்வர் விஜய்க்கு பிரதமர் மோடி பிறந்தநாள் வாழ்த்து தெரிவித்துள்ளார்.
அவர் வெளியிட்டுள்ள பதிவில், ''முதல்வர் விஜய்க்கு பிறந்தநாள் வாழ்த்து; நீண்ட ஆயுளுடனும், நல்ல ஆரோக்கியத்துடனும் வாழ வாழ்த்துகிறேன்'' என குறிப்பிட்டுள்ளார்.


காங்., எம்பி ராகுல் வாழ்த்து

தமிழகத்தின் முதல்வர் விஜய்க்கு இனிய பிறந்தநாள் நல் வாழ்த்துகளைத் தெரிவித்துக் கொள்கிறேன். தாங்கள் நல்ல உடல்நலத்துடனும், மேற்கொள்ளும் அனைத்து முயற்சிகளிலும் வெற்றியுடனும் திகழ வாழ்த்துகிறேன். தமிழ் மக்களின் உரிமைகள், கண்ணியம் ஆகியவற்றை பாதுகாப்பதிலும், மாநிலத்தின் வளர்ச்சிக்காக ஒன்றிணைந்து பணியாற்றுவதிலும் நான் உங்களுடன் உறுதுணையாக நிற்பேன்.

திமுக தலைவர், ஸ்டாலின்

முதல்வர் விஜய்க்கு எனது பிறந்தநாள் வாழ்த்துகள். தாங்கள் மகிழ்ச்சியோடும், உடல் - உள நலத்தோடும் பொதுவாழ்வில் பணியாற்றிட விழைகிறேன்.

வீ தி லீடர்ஸ் நிறுவனர், அண்ணாமலை

தமிழக முதல்வர் விஜய்க்கு இனிய பிறந்த நாள் நல்வாழ்த்துக்களைத் தெரிவித்துக் கொள்கிறேன். முதல்வர் விஜய், நல்ல உடல்நலத்துடன், நீண்ட ஆயுளுடன் தனது மக்கள் பணிகள் தொடர, எல்லாம் வல்ல இறைவனை வேண்டிக் கொள்கிறேன்.