விழுப்புரம்: மாவட்டத்தில் பிற்படுத்தப்பட்டோர் மற்றும் மிகவும் பிற்படுத்தப்பட்டோர் நல விடுதிகளில் தங்கி பயிலும் மாணவ, மாணவியர் புகார் தெரிவிக்க வாட்ஸ் அப் எண் அறிமுகம் செய்யப்பட்டுள்ளது.

கலெக்டர் ஷேக் அப்துல் ரஹ்மான் செய்திக்குறிப்பு:

பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத்துறையின் கீழ் விழுப்புரம் மாவட்டத்தில் விடுதிகள் செயல்படுகிறது. விடுதிகளில் தங்கிப் பயிலும் மாணவ, மாணவிகளும் தங்கள் விடுதிகளில் நடைபெறும் தவறுகள் மற்றும் குறைபாடுகள் குறித்து புகார் தெரிவிக்க அரசால் 9445477016 என்ற வாட்ஸ் அப் எண் அறிமுகப்படுத்தப்பட்டுள்ளது.

எனவே, மாணவ, மாணவிகள் விடுதிகளில் உள்ள குறைபாடுகள் தொடர்பாக எவ்வித தயக்கமுமின்றி வாட்ஸ் அப் எண்ணிற்கு தகவல் தெரிவிக்கலாம்.

இவ்வாறு செய்திக்குறிப்பில் கூறப்பட்டுள்ளது.