கடலுார்: கடலுார் அரசு மருத்துவமனை அருகே சாலையில் பழுதாகி நின்ற அரசு டவுன் பஸ்சால் போக்குவரத்து பாதிக்கப்பட்டது.

கடலுார் துாக்கணாம்பாக்கம் பகுதியில் இருந்து, நேற்று காலை அரசு டவுன் பஸ் ஒன்று, கடலுார் நோக்கி வந்து கொண்டிருந்தது. அரசு மருத்துவமனை அருகே வந்தபோது திடீரென நடுரோட்டில் எஞ்சினில் கோளாறு ஏற்பட்டு நின்றது.

அதனால் கடலுார்–பண்ருட்டி சாலையில் போக்குவரத்து நெரிசல் ஏற்பட்டது. வேறுவழியின்றி பஸ்சில் பயணம் செய்த மாணவர்கள், பயணிகள் இறங்கி அரசு பஸ்சை தள்ளிக்கொண்டு சாலையோரம் நிறுத்தினர். 

பஸ் டிரைவர் எவ்வளவோ முயற்சி செய்தும் பஸ்சை எடுக்க முடியவில்லை. அதனால் காத்திருந்த மாணவர்கள் பள்ளிக்கூடத்திற்கு நேரமாகி விட்டதால் வேறு பஸ் மற்றும் ஆட்டோ பிடித்து சென்றனர்.