தேனி:மாநில அரசு சார்பில் ஒவ்வொரு ஆண்டும் முன்னாள் ஜனாதிபதி ராதாகிருஷ்ணன் நினைவாக செப்.,5ல் நல்லாசிரியர் விருது வழங்கப்படுகிறது. மாவட்டத்தில் இருந்து மாநில நல்லாசிரியர் விருதுக்கு விண்ணப்பித்துள்ள ஆசிரியர்களுக்கு நேர்காணல் சி.இ.ஓ., அலுவலகத்தில் நடந்தது.

சி.இ.ஓ., முருகன் தலைமையில், டி.இ.ஓ.,க்கள், தலைமையாசிரியர்கள் என 9 பேர் கொண்ட குழுவினர் நேர்காணல் நடத்தினர். அரசு, உதவி பெறும், தனியார் பள்ளி ஆசிரியர்கள் என விருதுக்கு விண்ணப்பித்திருந்த 25 பேர் பங்கேற்றனர். அவர்களது சான்றிதழ்கள் சரிபார்க்கப்பட்டன. செப்., முதல் வாரத்தில் விருதுக்கு தேர்வானவர்கள் பட்டியல் வெளியிடப்படும் என கல்வித்துறையினர் தெரிவித்தனர்.