ஜெருசலேம்: 'ஈரான் என் மகன்களில் ஒருவரைக் கொல்ல முயன்றது' என இஸ்ரேல் பிரதமர் பெஞ்சமின் நெதன்யாகு தெரிவித்துள்ளார்.

இது குறித்து அவர் கூறியதாவது: நம்பமுடியாத ஒன்று நடந்தது. ஈரான் எனது மகன்களில் ஒருவரைக் குறிவைத்தது. எனது மகன்களில் ஒருவரைக் கொல்ல முயன்றது.

தனது குடும்பத்திற்கு பாதுகாப்பு அதிகரிக்கப்பட்டுள்ளது என்பது ஆடம்பரம் கிடையாது. குறிப்பாக தேர்தல் பிரசாரத்தின் போது, ​​மக்கள் ஓரளவு நிதானத்தைக் கடைபிடிக்க வேண்டும்.

அந்த அச்சுறுத்தல் பலத்த பாதுகாப்பு அளிக்க வேண்டிய அளவுக்குத் தீவிரமானது; பாதுகாப்பு இல்லாவிட்டால் இந்த முயற்சிக்குப் பின்னால் இருப்பவர்கள் எளிதில் வெற்றி பெற்றுவிடுவார்கள். இவ்வாறு பெஞ்சமின் நெதன்யாகு கூறினார்.

மகன்களான யாயிர் அல்லது அவ்னர் ஆகிய இருவரில் யார் குறிவைக்கப்பட்டார் என்றும், இந்தக் கொலை முயற்சி எப்போது, ​​எப்படி நடந்தது என்றும் இஸ்ரேல் பிரதமர் நெதன்யாகு தெளிவுப்படுத்தவில்லை.