காரைக்குடி, ஆக.26-காரைக்குடி அரசு போக்குவரத்து கழக மண்டல அலுவலகம் முன் தொடர் முழக்க போராட்டம் நடந்தது. அரசு போக்குவரத்து கழகங்களுக்கு உரிய நிதி வழங்கிடு, அகவிலைப்படி நிலுவையை வழங்க வேண்டும். வாரிசு வேலை அனைவருக்கும் வழங்கு, தரமான உதிரி பாகங்களை தடையின்றி வழங்க வேண்டும் உட்பட 7 அம்ச கோரிக்கையை வலியுறுத்தி காரைக்குடி அருகே மானகிரி அரசு போக்குவரத்து கழக மண்டல அலுவலகம் முன் தொடர் முழக்க போராட்டம் நடத்தினர். போராட்டத்திற்கு அரசு போக்குவரத்து தொழிலாளர் சங்க (சி.ஐ.டி.யு.,) மண்டல தலைவர் தெய்வீரபாண்டியன் தலைமை வகித்தார். சி.ஐ.டி.யு., மாநில செயலாளர் சிவாஜி வாழ்த்துரை வழங்கினார். ஜெகந்நாதன், மார்க்சிஸ்ட் தாலுகா செயலாளர் அழகர்சாமி, மண்டல பொது செயலாளர் பாஸ்கரன் ஆகியோர் பங்கேற்றனர். சி.ஐ.டி.யு., மாவட்ட செயலாளர் சேதுராமன் நிறைவுரை ஆற்றினார். தியாகராஜன் நன்றி கூறினார்.