காஞ்சிபுரம்: செடி, கொடிகள் வளர்ந்து, துார்ந்த நிலையில் உள்ள காஞ்சிபுரம் சர்வதீர்த்த சின்ன குளத்தை துார்வாரி சீரமைக்க வேண்டும் என, அப்பகுதி மக்கள் வலியுறுத்தி வருகின்றனர்.

காஞ்சிபுரம், ஒலிமுஹமதுபேட்டை சுற்றுவட்டார பகுதியில் பெய்யும் மழைநீர், சர்வதீர்த்த குளத்திற்கு கழிவுகளுடன் நேரடியாக செல்வதற்கு முன், மழைநீரில் அடித்து வரப்படும் குப்பை கழிவுகளை வடிகட்டிய பின், சர்வதீர்த்த குளத்திற்கு செல்லும் வகையில் அமைக்கப்பட்டுள்ளது.

ஹிந்து சமய அறநிலையத் துறையின் கட்டுப்பாட்டில் உள்ள இக்குளத்தை முறையாக பராமரிக்காததால், செடி, கொடிகள் வளர்ந்து, குப்பை கழிவுகள் குவிந்துள்ளதுள்ளன. இதனால், இக்குளத்திற்கு மழைநீர் வருவதிலும், மழைநீரை வடிகட்டுவதிலும் சிக்கல் ஏற்பட்டுள்ளது.

எனவே, சர்வதீர்த்தகுளத்திற்கு மழைநீரை வடிகட்டி அனுப்புவதற்காக அமைக்கப்பட்டுள்ள சர்வதீர்த்த சின்ன குளத்தை துார்வார, ஹிந்து சமய அறநிலைய துறையினர் நடவடிக்கை எடுக்க வேண்டும் என, அப்பகுதி மக்கள் வலியுறுத்தி வருகின்றனர்.