திண்டுக்கல், செப்.6-

திண்டுக்கல் மாநகராட்சியில் ரோட்டோரம் வியாபாரம் செய்பவர்களுக்கு பிரதம மந்திரியின் சுவாநிதி திட்டத்தின் கீழ் குறைந்த வட்டியில் முதல், இரண்டாம், மூன்றாம் தவணைகளாக ரூ.15 ஆயிரம், ரூ.25 ஆயிரம், ரூ.50 ஆயிரம் வங்கிக்கடன் வழங்கப்படுகிறது. இதற்கான சிறப்பு முகாம் மாநகராட்சி அலுவலகத்தில் செப்.,1 முதல் செப்.,30 வரை நடக்கிறது.

இத்திட்டத்தின் கீழ் கடனுதவி பெற்றவர்கள் பிரதம மந்திரி சி சம்ரிதி திட்டத்தின் மூலம் 8 வகையான திட்டங்களில் பயன்பெறலாம். இரண்டாம் தவணை கடன் பெற்றவர்கள் கடன் அட்டை பெற முடியும்.

எனவே ரோட்டோர வியாபாரிகள் வாழ்வாதார மேம்பாட்டிற்காக  கடனுதவி பெற்று பயனடைய இந்த முகாமில் பங்கேற்கலாம். கடனுதவி பெற விரும்புவோர் ஆதார் அட்டை, வங்கிக்கணக்கு புத்தகம், ரேஷன் கார்டு நகலுடன் நேரில் விண்ணப்பிக்க வேண்டும் என  மாநகராட்சி கமிஷனர் பிரேம்ஆனந்த் தெரிவித்தார்.