ஆர்.எஸ்.மங்கலம்: ஆர்.எஸ்.மங்கலம் அருகே உப்பூர் வெயிலுகந்த விநாயகர் கோவிலில், சதுர்த்தி விழா செப்.5ல் கொடியேற்றத்துடன் துவங்கியது.

பத்து நாட்கள் நடைபெறும் விழாவில், தினமும் மாலையில் பல்வேறு கிராமத்தார்களின் மண்டகப்படி நிகழ்வுகளாக, பல்வேறு வாகனங்களில் விநாயகர் ஊர்வலம் நடக்கிறது. இந்த நிலையில், முதல் நாள் ஊர்வலமாக வெள்ளி மூஷிக வாகனத்தில், விநாயகர் ஊர்வலம் நடைபெற்றது.

முன்னதாக மூலவருக்கு அபிஷேக ஆராதனைகள் செய்யப்பட்டு, முக்கிய வீதிகள் வழியாக ஊர்வலம் நடைபெற்றது. பக்தர்கள் பலர் தரிசனம் செய்தனர்.