மதுரை: திருவனந்தபுரத்தில் நடந்த 17வது தென்னிந்திய துப்பாக்கி சுடுதல் போட்டியில் மதுரை செயின்ட் மைக்கேல் பள்ளி மாணவி எலிஸ் ஜெனிபர் 4 வெண்கலப் பதக்கங்களை வென்றார்.

பெண்கள் பிரிவு, ஜூனியர் பெண்கள் பிரிவு, யூத், சப் - யூத் போட்டிக்கான தனிநபர் 10 மீட்டர் ஏர் ரைபிள் பிரிவுகளில் வெண்கலப் பதக்கங்களை வென்றார். இவருக்கு பயிற்சியளித்த பயிற்சியாளர் வேல்சங்கர சீனியர் மாஸ்டர் போட்டிக்கான 10 மீட்டர் ஏர் ரைபிள் பிரிவில் தங்கப்பதக்கம் வென்றார். இருவரையும் போலீஸ் கமிஷனர் ராஜேந்திரன் பாராட்டினார்.