புதுடில்லி: 2001ம் ஆண்டு இதே நாளில் முதல்வராக பொறுப்பேற்று, 25 ஆண்டுகாலப் பொதுச்சேவையை நிறைவு செய்துள்ள பிரதமர் மோடிக்கு துணை ஜனாதிபதி சி.பி.ராதாகிருஷ்ணன் வாழ்த்து தெரிவித்தார்.

அவரது பதிவு: பிரதமர் மோடி, நாட்டின் தலைவராக 25 ஆண்டுகள் சேவையாற்றியதையொட்டி, எனது மனமார்ந்த வாழ்த்துக்களையும் நல்வாழ்த்துக்களையும் தெரிவித்துக் கொள்கிறேன். மாநிலங்கள் மற்றும் யூனியன் பிரதேசங்களுக்கு நான் மேற்கொண்ட பயணங்களின் போது, ​​மேம்பட்ட இணைய இணைப்பு, டிஜிட்டல் முன்னேற்றம், விரிவடைந்து வரும் வாய்ப்புகள் மற்றும் அனைவரையும் உள்ளடக்கிய வளர்ச்சி ஆகியவற்றின் மூலம் பாரதம் அடைந்துள்ள கண்கூடான மாற்றத்தை நான் கண்டிருக்கிறேன்.

பிரதமர் மோடியின் தொலைநோக்குப் பார்வை கொண்ட தலைமையின் மாபெரும் சாதனை, 25 கோடி மக்களைக் கடும் வறுமையிலிருந்து மீட்டெடுத்து இருக்கிறது. இது மனித வரலாறு ஒருபோதும் மறக்க முடியாத ஒரு வரலாற்றுச் சிறப்புமிக்க மைல்கல். 2047ம் ஆண்டுக்குள் அனைவரையும் உள்ளடக்கிய மற்றும் வளர்ச்சிபெற்ற பாரதத்தை நோக்கிய நமது பயணத்தில் பிரதமர் மோடி தொடர்ந்து சேவை ஆற்றி வருகிறார். எல்லாம் வல்ல இறைவன் உங்களுக்கு நல்ல ஆரோக்கியத்தையும், மகிழ்ச்சியையும், வலிமையையும் அருளட்டும். இவ்வாறு சிபி ராதாகிருஷ்ணன் கூறியுள்ளார்.