தேனி: தேனியில் நடைபெறும் மேம்பால பணியை முடிக்க அதிகாரிகள் ஆர்வம் காட்டாததால் தினசரி வாகன ஓட்டிகள் அவதியடைந்து வருகின்றனர்.

தேனி-- மதுரை ரோட்டில் அரண்மனைப்புதுார் விலக்கு அருகே 3 ஆண்டுகளுக்கு முன் ரயில்வே மேம்பால பணிகள் துவங்கியது. ஓராண்டிற்குள் முடிக்க திட்டமிட்டாலும் இதுவரை பணிகள் நிறைவு பெறவில்லை. பாலத்தின் மூன்று பகுதிகளில் இருந்து வாகனங்கள் மேலே ஏறும் வகையிலும், சுரங்கப்பாதை வசதியுடனும் அமைக்க திட்டமிடப்பட்டது.

ஆனால் மதுரை ரோடு, அரண்மனைப்புதுார் விலக்கு ஆகிய இரு பகுதிகளில் மட்டும் பால பணிகள் ஓரளவிற்கு முடிந்துள்ளது. மேம்பாலத்தில் ரயில்வே தண்டவாளத்திற்கு மேல் பகுதியில் பொருத்தும் கர்டர்கள் செய்யும் பணி ஓராண்டிற்கு மேலாக நடந்து வருவதால் பணி பணிகளை முடிக்கவில்லை என நெடுஞ்சாலைத்துறையினர் காரணம் கூறுகின்றனர். இதனால் தினமும் ரயில் செல்லும் நேரத்தில் இவ்வழியாக சென்று வரும் வாகன ஓட்டிகள் சிரமம் அடைகின்றனர். விஷேச நாட்களில் பல கி.மீ., துாரத்திற்கு வாகனங்கள் வரிசையில் நிற்பது தொடர்கிறது. மாவட்ட நிர்வாகம் மேம்பால பணிகளை விரைவு படுத்த தேசிய நெடுஞ்சாலைத்துறையினருக்கு அறிவுறுத்த பொதுமக்கள், வாகன ஓட்டிகள் கோரிக்கை விடுத்துள்ளனர்.