சென்னை: அரசு பதவியில் 25 ஆண்டுகளை நிறைவு செய்துள்ள பிரதமர் மோடியை பாராட்டி, ராஜ்யசபா எம்பியும், நடிகருமான கமல்ஹாசன் வெளியிட்ட அறிக்கை:

அரசு பதவிகளில் 25 ஆண்டுகளை நிறைவு செய்துள்ள பிரதமர் மோடிக்கு எனது மனமார்ந்த பாராட்டுகள். அரசு பதவியில் 25 ஆண்டு என்பது அனைத்திற்கும் மேலாக மக்களின் நம்பிக்கைக்கும், அன்புக்கும் ஒரு சான்று.

70 ஆண்டுகால எனது பொது வாழ்க்கையானது மக்களின் அன்பு, நம்பிக்கையால் நிலைநிறுத்தப்பட்டது.

கடந்த ஆண்டு முதல்முறையாக ராஜ்யசபா எம்பி ஆக பதவியேற்ற பிறகு, பிரதமர் மோடியை சந்தித்தேன். முதல்முறை எம்பி ஆன எனக்கு பெருந்தன்மையுடன் நேரம் ஒதுக்கினார். எங்கள் அரசியல் சார்புகளை கடந்து இந்தியாவுக்கான எனது நம்பிக்கைகள் மற்றும் கனவுகள் குறித்தும், வலிமையான தேசத்தையும் வருங்கால சந்ததியினருக்கான சிறந்த எதிர்காலத்தையும் உருவாக்குவதற்கான கடமை குறித்து கலந்துரையாடினோம். இவ்வாறு கமல்ஹாசன் கூறியுள்ளார்.