திண்டிவனம்: வீட்டின் பூட்டை உடைத்து, 7 சவரன் நகை உள்ளிட்டவைகளை திருடி சென்ற மர்ம நபர்களை போலீசார் தேடி வருகின்றனர்.

திண்டிவனம் ஆண்டாள் நகரை சேர்ந்தவர் தீபா ஜெனிபர், 45; கணவர் தியாகன் டேனியல். நேற்று வீட்டை பூட்டிவிட்டு தீபா ஜெனிபர், திண்டிவனம் அரசு மருத்துவமனைக்கு சென்று மதியம் 12:30 மணிக்கு வீட்டிற்கு வந்த போது, பூட்டு உடைக்கப்பட்டிருந்தது கண்டு அதிர்ச்சி அடைந்தார்.

உள்ளே சென்று பார்த்த போது, பீரோவில் இருந்த 7 சவரன் நகை, 250 கிராம் வெள்ளி மற்றும் ரூ.2,35,000 ஆகியவற்றை மர்ம நபர்கள் திருடி சென்றது தெரியவந்தது. ரோஷனை போலீசார் வழக்குப்பதிந்து விசாரிக்கின்றனர்.