-நமது நிருபர்-

கடந்த சட்டசபை தேர்தலில் அதிமுக சார்பில் களம் கண்டு வெற்றி பெற்ற சத்தியபாமா, இடைத்தேர்தலில் தவெக சார்பில் சார்பில் போட்டியிட்டு வெற்றி பெற்றுள்ளார். இந்தத் தொகுதியில் கடந்த சட்டசபை தேர்தல், தற்போது இடைத்தேர்தலில் பெற்ற ஓட்டுக்கள் குறித்து ஓர் சிறப்பு அலசல்!

கடந்த 2026 சட்டசபைத் தேர்தலில், தாராபுரம் தொகுதியில் அ.தி.மு.க. சார்பில் போட்டியிட்ட சத்தியபாமா 81,100 ஓட்டு பெற்று வெற்றி பெற்றார். பிறகு தனது பதவியை ராஜினாமா செய்து த.வெ.க.வில் இணைந்தார். திருப்பூர் மாவட்டத்தின் மிகப்பெரிய சட்டசபைத் தொகுதியாக விளங்கும் தாராபுரத்தில், 1951 முதல் இதுவரை 16 முறை தேர்தல் நடைபெற்றுள்ளது.

இதில் தி.மு.க. 6 முறையும், அ.தி.மு.க. 5 முறையும் வெற்றி பெற்றுள்ளன. 2016ல் காங்கிரஸ் வென்ற நிலையில், 2021-ல் அ.தி.மு.க. கூட்டணியில் போட்டியிட்ட மத்திய அமைச்சர் முருகனை தோற்கடித்து தி.மு.க. வேட்பாளர் கயல்விழி வெற்றி பெற்றார். 2026-ல் மீண்டும் அ.தி.மு.க. இந்தத் தொகுதியைக் கைப்பற்றியது.

சத்தியபாமாவின் திடீர் ராஜினாமா தொகுதி மக்களிடையே அதிருப்தியையும், அரசியல் கட்சிகளிடையே புதிய கணக்குகளையும் உருவாக்கியதாக அரசியல் வட்டாரங்களில் பரபரப்பாக பேசப்பட்டது. ஆனாலும் இடைத்தேர்தலில் தவெக சார்பில் போட்டியிட்ட சத்தியபாமா 66 ஆயிரத்து 841 ஓட்டுகள் பெற்று, 9,471 ஓட்டு வித்தியாசத்தில் வெற்றி பெற்றார்.

இந்த தொகுதியில் உள்ள மொத்த வாக்காளர்கள், கடந்த சட்டசபை தேர்தலில் பதிவான ஓட்டுக்கள் எவ்வளவு, தற்போது இடைத்தேர்தலில் பெற்றுள்ள ஓட்டுக்கள் எவ்வளவு என்பது குறித்து படத்தில் தெளிவாக குறிப்பிட்டுள்ளோம்.

அதனைப் பார்த்து, கடந்த சட்டசபை தேர்தலில் திமுக, அதிமுக, தவெக பெற்றுள்ள ஓட்டு எவ்வளவு, தற்போது இடைத்தேர்தலில் பெற்றுள்ள ஓட்டுக்கள் எவ்வளவு என்பதை சதவீதத்துடன் அறிந்து கொள்ளலாம்.