கிருஷ்ணராயபுரம்:லாலாப்பேட்டை கருப்பதூரில் உள்ள அங்காளம்மன் கோவில் கதவின் பூட்டை உடைத்து தங்கம் திருட்டு போனது குறித்து போலீசார் விசாரித்து வருகின்றனர்.

லாலாப்பேட்டை நெடுஞ்சாலையில் உள்ள கருப்பத்தூரில் அங்காளம்மன் கோவில் உள்ளது. நேற்று முன்தினம் பூஜை செய்து விட்டு, கோவில் பூட்டப்பட்டது. நேற்று காலை கோவிலை திறக்க பூசாரி வந்த போது, கதவின் பூட்டு உடைக்கப்பட்டு இருந்தது தெரியவந்தது. உள்ளே சென்று பார்த்தபோது, அங்காளம்மன் சுவாமி சிலையின் கழுத்தில் அணிவிக்கப்பட்டுருந்த தங்க நகை திருடப்பட்டது தெரியவந்தது. இதன் மதிப்பு தெரியவில்லை.
இது குறித்த லாலாப்பேட்டை போலீசார் விசாரித்து வருகின்றனர்.