தேனி மாவட்டத்தில் அறிவுசார் சொத்துரிமை குறித்த விழிப்புணர்வு பட்டறை நடைபெற்றது தேனி, அக்டோபர் 7, 2026 குறு, சிறு மற்றும் நடுத்தர நிறுவனங்களுக்கான தேசிய நிறுவனம் NIMSME- Hyderabad - 45 ஹைதராபாத் 500 045, இந்தியா RAMP திட்டத்தின் கீழ், FaMeTN அனுசரணையுடன், தேனி மாவட்டம் காமாட்சிபுரத்தில் அமைந்துள்ள ICAR-KVK, CENDECT வளாகத்தில் அறிவுசார் சொத்துரிமை Intellectual Property Rights – IPR குறித்த விழிப்புணர்வு பட்டறை இன்று நடைபெற்றது. இந்நிகழ்ச்சி தமிழ் தாய் வாழ்த்துடன் தொடங்கியது. தேனி மாவட்ட தொழில் மையத்தின் உதவி இயக்குநர் கணிப்பு மற்றும் புள்ளிவிவரம் திரு. கே. மோகன்ராஜ் வரவேற்புரையாற்றி, பட்டறையின் நோக்கங்கள் மற்றும் தொழில்முனைவோர், கண்டுபிடிப்பாளர்கள் மத்தியில் அறிவுசார் சொத்துரிமை குறித்த விழிப்புணர்வின் அவசியத்தை எடுத்துரைத்தார். CENDECT-ன் ICAR-KVK தலைவர் டாக்டர் பி. பச்சியம்மாள் வாழ்த்துரை வழங்கினார். தேனி மாவட்ட தொழில் மையத்தின் பொது மேலாளர் திரு. முகம்மது மசூத். எம். தலைமையுரையாற்றினார். தேனி DIC-யுடன் இணைந்து தொழில்முனைவோர் வளர்ச்சியை ஊக்குவிப்பது குறித்து ICAR-KVK திட்ட ஒருங்கிணைப்பாளர் பொறுப்பு திரு. எம். அருண்ராஜ் சிறப்புரையாற்றினார். முதல் தொழில்நுட்ப அமர்வில், திண்டுக்கல் G.T.N. கலை மற்றும் அறிவியல் கல்லூரியின் மேலாண்மைத் துறை தலைவர் டாக்டர் வி. காவேரி, காப்புரிமைகள் Patents, வர்த்தக முத்திரைகள் Trademarks, பதிப்புரிமைகள் Copyrights, தொழில்துறை வடிவமைப்புகள் Industrial Designs மற்றும் வர்த்தக ரகசியங்கள் Trade Secrets ஆகியவற்றின் முக்கியத்துவம் குறித்து விளக்கினார். குறிப்பாக, தொழில்முனைவோர் தங்களது கண்டுபிடிப்புகள் மற்றும் புதுமையான தயாரிப்புகளைப் பாதுகாப்பதில் IPR-ன் பங்கு குறித்து எடுத்துரைக்கப்பட்டது. இரண்டாவது தொழில்நுட்ப அமர்வில், திண்டுக்கல் G.T.N. கலை மற்றும் அறிவியல் கல்லூரியின் இயற்பியல் துறை உதவிப் பேராசிரியரும் IPR Cell ஒருங்கிணைப்பாளருமான டாக்டர் டி. ராஜேஷ் குமார், காப்புரிமை, வர்த்தக முத்திரை, பதிப்புரிமை மற்றும் புவிசார் குறியீடு Geographical Indication – GI போன்ற அறிவுசார் சொத்துரிமைகளைப் பதிவு செய்வதற்கான படிப்படியான நடைமுறைகள், தேவையான ஆவணங்கள், செலவுகள் மற்றும் காலவரிசைகள் குறித்து விரிவாக எடுத்துரைத்தார். மேலும், உள்ளூர் தொழில்முனைவோர் மற்றும் கண்டுபிடிப்பாளர்களுக்கு கிடைக்கக்கூடிய பல்வேறு அரசு உதவித் திட்டங்கள், ஊக்கத்தொகைகள் மற்றும் IPR தொடர்பான ஆதரவு வாய்ப்புகள் குறித்து திரு. கே. மோகன்ராஜ் விளக்கமளித்தார். IPR பாதுகாப்பு மூலம் தொழில்முனைவோர் தங்களது புதுமையான தயாரிப்புகளுக்கு சட்டரீதியான பாதுகாப்பையும் வணிக மதிப்பையும் பெற முடியும் என எடுத்துரைக்கப்பட்டது. பங்கேற்பாளர்களின் சந்தேகங்களுக்கு விளக்கமளிக்கும் வகையில் கேள்வி–பதில் மற்றும் கலந்துரையாடல் அமர்வு நடைபெற்றது. தொடர்ந்து, பங்கேற்பாளர்களிடமிருந்து கருத்துப் படிவங்கள் பெறப்பட்டன. இந்நிகழ்வு தொழில்முனைவோர், கண்டுபிடிப்பாளர்கள் மற்றும் தொடர்புடைய பங்குதாரர்களிடையே அறிவுசார் சொத்துரிமை குறித்த புரிதலை மேம்படுத்தும் வகையில் பயனுள்ளதாக அமைந்தது. நிறைவாக, தேனி ICAR-KVK-ன் வீட்டு அறிவியல் பிரிவு SMS திருமதி எம். ரம்யாசிவச்செல்வி நன்றி கூறினார். தேசிய கீதத்துடன் விழிப்புணர்வு பட்டறை நிறைவு பெற்றது. — நிறைவு —

திமுக, அதிமுக ஆட்சியில் ஆட்டைபோடப்பட்ட ஹிந்து கோவில் சொத்துக்களை மீட்டெடுக்க இதுவரை இந்த புதிய தவெக அரசு என்னென்ன நடவடிக்கைகள் எடுத்து இருக்கிறது என்று ஜோசப் விஜய் அவர்கள் கூறமுடியுமா? நடவடிக்கைகள் எடுத்திருந்தால்தானே கூறமுடியும்