முதுகுளத்துார்: முதுகுளத்துார் செல்வநாயகபுரத்தைச் சேர்ந்த சசிகுமார் 39. தனியார் கல்லுாரியில் 6 ஆண்டுகளாக டிரைவராக பணியாற்றி வருகிறார். நேற்று முன்தினம் கல்லுாரி பஸ்சை ஓட்டிச் சென்ற போது செல்வநாயகபுரம் அருகே ரோட்டில் செல்வது சம்பந்தமாக டிரைவருக்கும் டூவீலரில் வந்த இருவருக்கும் வாக்குவாதம் ஏற்பட்டுள்ளது.

பின் மாணவிகளை இறக்கி விட்டு கீரனுார் நோக்கி சென்ற போது மீண்டும் டூவீலரில் வந்த இருவர் கல்லுாரி பஸ்சை பின் தொடர்ந்து வந்துள்ளனர். பின் டிரைவரிடம் வாக்குவாதத்தில் ஈடுபட்டு மறைத்து வைத்திருந்த வாளால் பஸ் கண்ணாடியை உடைத்து விட்டு அங்கிருந்து தப்பிச் சென்றனர். முதுகுளத்துார் போலீசில் சசிகுமார் அளித்த புகாரின் பேரில் ஆனைசேரி ஜெகதீஸ்வரன், இதயக்கண்ணன் மீது போலீசார் வழக்கு பதிந்து விசாரிக்கின்றனர்.