ஆக்லாந்து: இந்தியாவுக்கு எதிரான 'டி-20' தொடரில் இருந்து காயம் காரணமாக நியூசிலாந்தின் சாப்மேன், பால்க்ஸ் விலகினர்.

நியூசிலாந்து செல்லவுள்ள இந்திய அணி, 5 'டி-20', 5 ஒருநாள், 2 டெஸ்ட் போட்டிகள் கொண்ட தொடரில் பங்கேற்கிறது. 'டி-20' தொடருக்கான முதலிரண்டு போட்டிகள் வரும் அக். 22, 24ல் கிறைஸ்ட்சர்ச்சில் நடக்கின்றன. மீதமுள்ள போட்டிகள் வெலிங்டன் (அக். 27), ஆக்லாந்து (அக். 30), ஹாமில்டனில் (நவ. 1) நடக்கவுள்ளன.

'டி-20' தொடருக்கான 16 பேர் கொண்ட நியூசிலாந்து அணியில் இருந்து காயத்தால் மார்க் சாப்மேன் (இடது கால் தொடையின் பின்பகுதி), ஜாக் பால்க்ஸ் (வலது இடுப்பு) விலகினர். இவர்களுக்கு பதிலாக 'ஆல்-ரவுண்டர்' ஜோஷ் கிளார்க்சன், வேகப்பந்துவீச்சாளர் பிளேர் டிக்னர் சேர்க்கப்பட்டுள்ளனர்.

நியூசிலாந்து 'டி-20' அணி: சான்ட்னர் (கேப்டன்), ஆலன், மைக்கேல் பிரேஸ்வெல், ஜோஷ் கிளார்க்சன், கான்வே, ஜேக்கப் டபி, பெர்குசன், மாட் ஹென்றி, பெவன் ஜேக்கப்ஸ், கைல் ஜேமிசன், ஆடம் மில்னே, டேரில் மிட்செல், பிலிப்ஸ், டிம் செய்பெர்ட், நாதன் ஸ்மித், பிளேர் டிக்னர்.