குமாரபாளையம்ஊ:அரசு வேலை வாங்கி தருவதாக கூறி, 8 லட்சம் ரூபாய் மோசடி செய்தவர் மீது போலீசில் புகார் அளிக்கப்பட்டுள்ளது.

குமாரபாளையம் நடராஜா நகரில் வசிப்பவர் மனோகர், 71. ஈரோட்டை சேர்ந்த தங்கராஜ் என்பவர் அரசு வேலை வாங்கி தருவதாக கூறியதால், தனது மைத்துனர் மற்றும் சிலருக்கு அரசு வேலை வாங்கி தருமாறு, 13 லட்சம் ரூபாயை கடந்த, 2015ல் கொடுத்துள்ளார். பல ஆண்டுகளாகியும் அரசு வேலை வாங்கி தரவில்லை. இதுகுறித்து தொடர்ந்து கேட்டதால், 5 லட்சம் ரூபாய் திருப்பி கொடுத்துள்ளார். மீதமுள்ள 8 லட்சம் ரூபாயை தரவில்லை. இதுகுறித்து மனோகர் அளித்த புகார்படி, குமாரபாளையம் போலீசார் விசாரணை செய்து வருகின்றனர்.