சென்னை: தாராபுரம், மதுராந்தகம் ஆகிய இரண்டு தொகுதிகளிலும் முன்னிலை வகிப்பதால் தவெக தலைமை அலுவலகத்தில் கட்சியினர் இனிப்பு வழங்கி கொண்டாடி வருகின்றனர்.

தமிழகத்தில் நடந்து முடிந்த தாராபுரம், மதுராந்தகம் ஆகிய இரண்டு தொகுதிகளிலும் பதிவான ஓட்டுக்கள் எண்ணப்பட்டு வருகின்றன. மதுராந்தகத்தில் 10,409 ஓட்டு வித்தியாசத்தில் தவெக முன்னிலையில் உள்ளது. தாராபுரத்தில் 5486 ஓட்டு வித்தியாசத்தில் தவெக முன்னிலையில் உள்ளது.

ஒவ்வொரு சுற்றிலும் ஓட்டு வித்தியாசம் அதிகரித்த வண்ணம் உள்ளது. இரு தொகுதியிலும் தவெகவுக்கு வெற்றிமுகம் காணப்படும் நிலையில், சென்னை பனையூரில் உள்ள தவெக தலைமை அலுவலகத்தில் குவிந்த தவெகவினர் ஆடிப்பாடி கொண்டாடி வருகின்றனர்.